Psixosomatik xəstəliklər və onların müalicəsi
Psixosomatik xəstəliklər və onların müalicəsi

Psixosomatik xəstəliklər və onların müalicəsi

2019/10/14 424

Yunan dilindən tərcümədə “psixosomatika” – “psyche” - ruh və “soma” - bədən deməkdir, yəni, beynin fiziki bədənə təsirini ifadə edən bir termindir.

Psixosomatik xəstəlik – düşüncə və inancların yaratdığı hislərin nəticəsində əmələ gələn hormon dəyişikliklərinin bədəndə xəstəlik olaraq ortaya çıxmasıdır. Bu, o deməkdir ki, insan, öz hiss və düşüncələri ilə bədənin hüceyrə, orqan və sistemlərinin fəaliyyətində axsaqlıqlar yaradır. Ümumdünya Səhiyyə Təşkilatı tərəfindən təsdiqlənmiş psixosomatik xəstəliklər sırasında köklük, piylənmə, xərçəng, miqren, şəkərli diabet, alergiya və d. mövcuddur. Zehinsəl sağlamlıqla insan bədəninin fiziki funksiyaları hər zaman bir-birindən asılı vəziyyətdə olur.  Psixosomatik xəstəlik, əslində, heç bir fizioloji səbəbi olmayan, özünü fiziki simptomlarla biruzə verən psixoloji narahatlıqdır. Psixosomatik xəstəliklərin yaratdığı fiziki simptomalara bədənin müxtəlif orqanlarında (baş, bel, qarın) yaranmış ağrılar, qıcolma, ürək bulanması, menstrual pozğunluq və s. aiddir. 

 

 

Hər hansı bir fiziki xəstəlik zamanı insan psixoloji olaraq narahatlıq keçirir, eynilə də, əsəb, stress, həyəcan, qorxu kimi psixoloji narahatlıqlar somatik olaraq xəstəliklərə gətirib çıxarır.

Psixosomatik xəstəliklərin müalicəsində dərmanlar təsirsiz olur, bu səbəbdən də psixoloji durum sağlam hala salınmayana qədər bu tip narahatlıqlardan qurtulmaq mümkün olmaz.

Psixosomatik xəstəliklərin yaratdıqları ağrılar psixogen ağrılar adlanır və insanın psixoloji durumundan yaranırlar. Adətən, bu kimi halları insanlar qəbul etmirlər və psixosomatik xəstəlikləri tibbi üsullarla müalicə etməyə çalışırlar. Lakin bu xəstəliklərin əsasında gərginlik, emosional yüklənmə, həyəcan, qorxu, əsəb, stress kimi faktorlar yatır.

Psixosomatik xəstəliklər bir neçə qrupa bölünür. Ən geniş yayılmış psixosomatik xəstəliklər sırasında baş ağrıları var. Lakin bu ağrıları miqrendən fərqləndirmək lazımdır. Miqren ağrıları birtərəfli, ritmik şəkildə olur, psixogen ağrılar isə bütün baş nahiyəsində olur, adətən, gözlərə də təsir edir.

Həmçinin bax: Emosional aclıq nədir?

Bu xəstəliklər, emosiyalarını tam yaşamayan insanlarda daha çox müşahidə olunur. Belə ki, xroniki yorğunluq, neqativ düşüncələr, psixi gərginlik, özünə inam əskikliyi, aqressiya, qısqanclıq kimi narahtlıqlar biruzə verilmədiyində somatik əlamətlərlə ortaya çıxmağa başlayırlar. Psixosomatik xəstəliklər, qadınlarda daha çox üstünlük təşkil edir.

İnsanın psixikası, şüur, yəni ən kiçik hesab olunan dərk edilən tərəf, və bədənimizin bir çox proseslərini həyata keçirən və idarə edən böyük tərəf – şüuraltı olaraq 2 hissədən ibarətdir.

Şüurda mövcud olan düşüncə və inancların yaratdığı hislərin nəticəsində əmələ gələn hormonların bədəndə xəstəlik olaraq ortaya çıxmasına psixosomatik xəstəlik deyilir. Psixosomatik xəstəliklərdən qurtulmaq üçün isə təkcə şüur yox, şüuraltı da hərəkətə keçməlidir. Şüuraltında yatan və vərdiş halına çevrilən mənfi inanc, düşüncələr və davranışlar neytrallaşdırılmalıdır, əvəzində isə müsbətlər şüuraltına inandırılmalıdırlar.

 

 

Qadınlar arasında geniş yayılmış psixosomatik xəstəliklər sırasına daxil olmuş fiziki narahatlıqlardan biri də artıq çəkidir. Belə ki, artıq çəkinin əsas səbəblərindən biri emosional aclığı qidalarla yatızdırmağa çalışmaqdır. Bu isə həm bədənin ehtiyacı olmayan qidaları qəbul etməyə, həm də hərəkətsizliyə gətirib çıxarır. Qidalanma və hərəkətlilik balansı pozulduqda isə bədəndə artıq çəki yaranır və fiziki quruluş korlanır.

 

Psixosomatik xəstəliklərin müalicəsi

Bir çox psixosomatik xəstəliklərin müalicəsi dərman və ya digər tibbi üsullarla mümkün deyil.  O zaman, bu tip narahatlıqları necə aradan qaldırmaq və normal həyata geri dönmək olar? Təbii ki, psixogen səbəbləri aradan qaldıraraq. Səbəblər arasında isə psixoloji travma, duyğuları ifadə edə bilməmə, daxili müqavimət, kin, stress, emosional gərginlik üstünlük təşkil edir.

Psixosomatik xəstəliklərin ən effektiv müalicə üsulu – özünə müalicədir. Müalicənin ilk etapında insan, öz xəstəliyinin səbəbləri ilə üzləşməlidir. Adətən, səbəblərin şüuraltında yatdıqları üçün, müalicə də şüuraltını dəyişdirərək aparılmalıdır. Bunun üçün ən az 21 günlük bir müddətə ehtiyac var.

Əgər psixosomatik xəstəliklərin yaranmağına səbəb bizim mənfi düşüncə və yanlış inanclarımız olubsa, o deməkdir ki, müsbət düşüncə və doğru inanclarımızla yaratdığımız xəstəlikləri müalicə də edə bilərik. Bunun üçün, insan öz-özünə təlqinlər edərək mənfi düşüncələrini müsbət düşüncələrlə, yanlış inancları isə doğru inanclarla əvəz edərək psixoloji vəziyyətini sağalda, bununla da psixosomatik adlandırdığımız narahtlıqlardan azad ola bilər.


Həmçinin bax:

Həmçinin bax:

Zumba təlimçisinin arıqlama hekayəsi Zumba təlimçisinin arıqlama hekayəsi

Mən zumba təlimçisiyəm və 2 uşaq anasıyam. Hal-hazırda bunu oxuyanların “İdmanla məşğul olan bir insan arıqlaya bilmir ki?” dediyin hiss edirəm ...

Xəstəliyinə qalib gəldi və artıq çəkilərindən azad oldu Xəstəliyinə qalib gəldi və artıq çəkilərindən azad oldu

Helə bir vəziyyətdə idim ki, hansı yeməyin mənim sağlamlığıma xeyir, hansının ziyan olduğunu düşünməkdən yorulmuşdum. Qan qruplarına uyğun pəhrizləri də sınadım. Qan qrupum orh- olduğundan, pəhrizə əsasən, hətta, kivi də yeyə bilm ...

3,5 ayda 30 kq arıqladı 3,5 ayda 30 kq arıqladı

Özümü bildiyimdən bəri artıq çəkidən əziyyət çəkmişəm. Uşaqlığımdan bəri çəkili olmuşam. O vaxt bunu tam anlamadığımdan o qədər də problem olmayıb mənim üçün, lakin böyüdükcə çox narahat etməyə başladı məni. Ətrafdan gələn fikirlə ...

Onlayn seanslar ilə ideal bədəninə qovuşan Deyyan Mustafa Onlayn seanslar ilə ideal bədəninə qovuşan Deyyan Mustafa

Bu vəziyyət məni çox narahat edirdi, istədiyim paltarları geyinə bilmirdim. Ətrafımdakı insanlarla münasibət yaratmaq istəmirdim. Özümü çox pis hiss edirdim, özümə inamım tamamilə yox idi, hərəkətsiz bir həyat yaşayırdım və özümə ...

Prof Dr Çingiz Rəhimov Deniz Egecenin Arıqlama metodu haqqında danışdı Prof Dr Çingiz Rəhimov Deniz Egecenin Arıqlama metodu haqqında danışdı

Deniz Egecenin elmi araşdırmaları təqdirə layiq bir çalışmalardır. Çəki problemi ilə bağlı olan araşdırmaları isə dünyada bir ilkdir və qalıcı həll yolu təqdim edir. Xəstəliklərin 80%-i psixosomatikdir, yəni zehnin bədəndə yaratdı ...

İdeal bədənə sahib olmaq üçün 42 kq arıqladı İdeal bədənə sahib olmaq üçün 42 kq arıqladı

İllər uzunu müxtəlif pəhrizlər tətbiq etdim, pəhrizin məni arıqladacağını düşünürdüm. Hər pəhriz proqramını tətbiq etdiyim müddətdə çəki atırdım, lakin normal həyata qayıdanda çəkilərim də geri qayıdırdı. Sağlam qidalanma, kalori ...

Mən bacarıram, sən də bacararsan Mən bacarıram, sən də bacararsan

Bu yaxınlarda isə kökəlməyimin səbəbini öyrəndim. Dəniz bəyin kitabında oxumuşdum. "Bu günki bədənin keçmiş düşüncələrinin nəticəsidir". Bəzi insanlar özlərini o qədər də çox sevmirlər məndə onlardan biri idim. Özümü heç vaxt sevm ...

Əlaqə üçün:

  • Azərbaycan, Bakı, Xətai, Nobel Prospekti 15, Azure Biznes Mərkəzi, Ofis 116
  • +994 (12) 488 6815
  • info[at]dena[dot]az
  • www.denizegece.az | www.dena.az