Neyroelm nədir?

Neyroelm — sinir sistemini analiz edən və davranışların bioloji əsaslarını anlamağa kömək edən elm sahəsidir. İlk başda sadəcə biologiyanın bir sahəsi olaraq inkişaf etsə də, müasir Neyroelm fizika, riyaziyyat, kompüter elmləri, dilçilik, psixologiya, fəlsəfə kimi sahələrin kəsişməsində yer alır. Neyroelm 1960-cı illərdən sonra yaranmış bir elm sahəsidir və beynin bioelektrik xüsusiyyətlərini, hüceyrələrin təşkilatlanmağını və neyronal alt təbəqələrin davranış və alqılama ilə əlaqəsini öyrənir.

İnsanın özünə, yaşayışına, ətrafına, digər şəxslərə, bir bütün olaraq içində yaşadığı dünya ilə bağlı fərqindəliyi, yaşanan təcrübələrdən yaranan özünün fərqində olma hissinə qısaca şüur demək olar. İnsan davranışlarının təməli şüur ilə birbaşa bağlıdır. Lakin insan davranışlarının hamısını şüur idarə etmir, burada şüuraltının da böyük rolu var. Belə ki, insanın gündəlik davranışlarının yalnız 5% şüur idarə edir, digər 95% isə şüuraltında yatan vərdişlər əsasında avtomatik həyata keçirilir.

NLP (Neyro Linqvistik Proqramlaşdırma) - duyğu və düşüncələrimizi yönləndirərək, keçmiş yaşantılarımızdan gətirdiyimiz istənilən mənfi duyğu və düşüncədən xilas ola bilməyimiz üçün müasir texnikalarla həyatımızı daha mükəmməl formada şəkilləndirmə gücü verir. Neyro – 5 hissiyatımızla dünyanı qavrama sistemini, linqvistik – daxili və xarici ünsiyyətimizi təcrübələrimizlə ifadə olunmasını, proqramlaşdırma isə müxtəlif davranış, dil və düşüncə qəliblərini formalaşdıraraq həyatımıza yenilikləri gətirən bir elmdir.

NLP, modelləşdirmə prosesində təcrübələrin, dəyərlərin və inancların nədən ibarət olmasını və duyğuların necə əmələ gəlməsini tədqiq edir. Təcrübələr nəticəsində insanın daxili dünyasının necə formalaşması və hadisələrə necə məna verilməsinin öyrənilməsi də, NLP-nin tədqiqat sahəsidir. Heç bir hadisə, öz-özlüyündə heç bir məna kəsb etmir, ona bu mənanı insan özü verir və fərqli insanlar eyni hadisəyə fərqli mənalar yükləyə bilərlər.